روزانہ ایک انڈے کا استعمال وزن بڑھنے سے روکنے میں مددگار ثابت ہو سکتا ہے

معروف طبی جریدے ‘جرنل آف کلینیکل نیوٹریشن’ میں شائع ہونے والی ایک جدید تحقیق میں یہ بات سامنے آئی ہے کہ روزانہ ایک انڈا کھانے کی عادت جسمانی وزن کو بڑھنے سے روکنے اور چربی گھٹانے میں انتہائی مددگار ثابت ہو سکتی ہے۔ اس تحقیق میں 18 سے 30 سال کی عمر کے 355 افراد کو شامل کر کے ان کی غذائی عادات اور وزن کا باریک بینی سے جائزہ لیا گیا۔ نتائج کے مطابق جو افراد ہفتے میں کم از کم 5 دن انڈے کا استعمال کرتے ہیں، ان کا وزن انڈے نہ کھانے والوں کے مقابلے میں نمایاں حد تک کم اور جسمانی ساخت متوازن رہتی ہے۔

تحقیق میں یہ انکشاف بھی ہوا کہ انڈوں سے پرہیز کرنے والے افراد کی کمر اور پیٹ پھیلنے کا امکان دیگر کے مقابلے میں زیادہ ہوتا ہے۔ محققین کے مطابق غذائی سوالناموں سے یہ بات واضح ہوئی کہ انڈوں میں اعلیٰ معیار کی پروٹین کی وافر مقدار موجود ہوتی ہے جو بھوک پر قابو پانے اور میٹابولزم کو فعال رکھنے میں بنیادی کردار ادا کرتی ہے۔ ماہرینِ غذائیت کا کہنا ہے کہ ہفتے میں 5 بار انڈے کھانے کو اپنے معمول کا حصہ بنا کر جسمانی وزن کو قدرتی اور صحت مند سطح پر برقرار رکھنا انتہائی آسان ہو جاتا ہے