سردیوں میں پانی کم پینا کتنا خطرناک ہے؟

سردیاں شروع ہوتے ہی لوگ پانی کم پیتے ہیں اور پانی پینے کو گرمی سے جوڑا جاتا ہے کہ جتنی گرمی لگے گی اتنا زیادہ پانی پینا چاہیے۔

سردیوں میں پانی کم پینا بہت سی بیماریوں کی بڑی وجہ ہے، ڈی ہائیڈریشن ہوسکتا ہے، سردرد اور تھکاوٹ کا بڑا سبب ہے، گردوں پر دباؤ بڑھتا ہے اور قوت مدافعت کم ہونے سے نزلہ، زکام جیسے موسمی امراض بھی آپ کو اپنی لپیٹ میں لے سکتے ہیں۔قبض، سرچکرانا، ذہنی ٹھکاوٹ بھی پانی کم پینے کی نمایاں نشانیاں ہیں۔فیملی فزیشن ڈاکٹر عظمیٰ حمید کا کہنا ہے کہ جسم کا 80 فیصد حصہ پانی پر مشتمل ہے، سردیوں میں پیاس شدت کم ہوجاتی ہے لیکن پانی کی ضرورت اتنی ہی رہتی ہے، ہمارے اندر کچھ سگنلز ہوتے ہیں جو دماغ کو جاتے ہیں اور کہتے ہیں کہ پانی پینا ہے وہ سردیوں میں کم ہوجاتے ہیں۔انہوں نے کہا کہ ہماری خون کی نالیوں میں سکراہٹ آجاتی ہے جس سے دباؤ دل پر پڑتا ہے۔