تیسری بین الاقوامی فوڈ ایگ نمائش 2025 کراچی ایکسپو سینٹر میں 27 نومبر تک جاری

پاکستان میں زرعی شعبے کی ترقی کی جانب ایک اور اہم قدم کے طور پر تیسری بین الاقوامی فوڈ ایگ (FoodAg) نمائش 2025 کراچی ایکسپو سینٹر میں 27 نومبر تک جاری ہے۔ ایس آئی ایف سی کے مؤثر اقدامات کے تحت زرعی شعبہ تیزی سے جدید ٹیکنالوجی اور عالمی معیار کی طرف بڑھ رہا ہے۔

نمائش میں 350 سے زائد پاکستانی برآمدکنندگان ہارویسٹنگ انوویشن کے عنوان کے تحت اپنی اعلیٰ معیار کی زرعی مصنوعات پیش کر رہے ہیں، جبکہ 80 ممالک سے 800 سے زائد بین الاقوامی مندوبین کی شرکت متوقع ہے۔ دنیا بھر سے 300 سے زائد درآمد کنندگان بھی اس نمائش کا حصہ ہیں، جن میں یورپ، مشرقِ وسطیٰ، افریقہ، آسٹریلیا، امریکہ، کینیڈا، روس اور خلیجی ممالک شامل ہیں۔
توقع ہے کہ تین روزہ نمائش کے دوران ایک ارب امریکی ڈالر سے زائد کا کاروباری حجم پیدا ہوگا۔ اس موقع پر 9 اعلیٰ سطح کانفرنسز بھی منعقد کی جائیں گی جبکہ کاروباری نمائندوں کے درمیان براہِ راست B2B ملاقاتیں بھی ہوں گی۔
فوڈ ایگ نمائش پاکستان کی زرعی پیداوار، برآمدات اور عالمی کاروباری روابط کو مضبوط بنانے میں کلیدی کردار ادا کر رہی ہے۔
صرف تین برسوں میں، فوڈ ایگ پاکستان اور خطے کا سب سے اہم فوڈ ٹریڈ پلیٹ فارم بن چکا ہے