انڈوں کا استعمال دماغی صحت کیلئے مفید، الزائمر کا خطرہ گھٹاتا ہے

جرنل آف نیوٹریشن میں شائع ہونے والی ایک نئی تحقیق کے مطابق، انڈوں کو باقاعدگی سے اپنی غذا کا حصہ بنانے سے الزائمر (Alzheimer’s) جیسی دماغی بیماری کا خطرہ نمایاں طور پر کم ہو جاتا ہے۔ تحقیق میں بتایا گیا ہے کہ انڈوں میں موجود مخصوص غذائی اجزا طویل المعیاد بنیادوں پر دماغی افعال کو بہتر بنانے میں مددگار ثابت ہوتے ہیں۔ محققین کا کہنا ہے کہ جو افراد ہفتے میں پانچ یا اس سے زیادہ بار انڈے کھاتے ہیں، ان میں الزائمر کا خطرہ سب سے زیادہ کم پایا گیا ہے، تاہم انڈوں اور الزائمر کے تحفظ کے درمیان براہ راست تعلق ثابت کرنے کے لیے مزید مطالعہ کی ضرورت ہے۔