وزن کم کرنے کے انجیکشن سے اچانک بینائی جانے کا خطرہ بڑھ سکتا ہے: تحقیق

ایک نئے تجزیے میں بتایا گیا ہے کہ وزن کم کرنے والا انجیکشن ویگووی، اسی نوعیت کی دیگر دوائیں جیسے اوزمپک اور رائبلیسس کے مقابلے میں ممکنہ طور پر فوری بینائی کھونے کے زیادہ خطرات سے منسلک ہو سکتا ہے۔

برٹش جرنل آف اوفتھلمولوجی میں شائع ہونے والی تحقیق میں سیماگلوٹائڈ کی خوراک اور اس سے جڑے صحت کے خطرات کا جائزہ لیا گیا۔ یہ تینوں دوائیں نووو نورڈسک کمپنی تیار کرتی ہے اور ایک ہی فعال جز پر مبنی ہیں، تاہم خوراک اور استعمال کے مقاصد میں فرق ہے۔ویگووی کو این ایچ ایس کی منظوری حاصل ہے اور یہ زیادہ مقدار میں دیا جاتا ہے، جبکہ اوزمپک اور رائبلیسس، جو گولیوں کی شکل میں دستیاب ہیں، ٹائپ 2 ذیابیطس کے مریضوں میں کم مقدار میں استعمال ہوتے ہیں۔مطالعے میں ماہرین نے سیماگلوٹائڈ اور اسکیمک آپٹک نیوروپیتھی (ION) کے درمیان تعلق کا جائزہ لیا، جسے عام طور پر آنکھ کا فالج یا آئی اسٹروک بھی کہا جاتا ہے۔ اس بیماری میں آپٹک نرو تک خون کی روانی کم ہونے کی وجہ سے اچانک بینائی متاثر یا ختم ہو سکتی ہے۔محققین نے امریکی فوڈ اینڈ ڈرگ ایڈمنسٹریشن (FDA) کے ایڈورس ایونٹ رپورٹنگ سسٹم میں دسمبر 2017 تا دسمبر 2024 جمع کی گئی رپورٹس کا تجزیہ کیا۔ تقریباً 3 کروڑ رپورٹس میں سے 31,774 کیسز سیماگلوٹائڈ سے متعلق تھے۔مطالعے سے یہ بات بھی سامنے آئی کہ مردوں میں خواتین کے مقابلے میں تقریباً تین گنا زیادہ امکان ہوتا ہے کہ وہ آنکھ کے فالج میں مبتلا ہوں۔