ٹائپ 2 ذیا بیطس سے بچنے کے لیے کتنی مقدار میں نیند لینی چاہیے؟

ایک تازہ تحقیق میں ماہرین نے بتایا ہے کہ ٹائپ ٹو ذیابیطس سے بچاؤ کے لیے مناسب نیند انتہائی اہم ہے۔

ڈائیبیٹیز یو کے کے مطابق برطانیہ میں تقریباً 46 لاکھ افراد ذیابیطس کے مریض ہیں جن میں سے 90 فیصد ٹائپ ٹو ذیابیطس کا شکار ہیں، اس بیماری میں جسم مناسب مقدار میں انسولین پیدا نہیں کر پاتا۔

ماہرین کے مطابق اس بیماری کی بڑی وجوہات میں موٹاپا اور ہائی بلڈ پریشر شامل ہیں، تاہم نیند کی کمی بھی انسولین کے خلاف مزاحمت پیدا کرنے میں اہم کردار ادا کرتی ہے۔

جرنل بی ایم جے اوپن ڈائیبیٹیز ریسرچ اینڈ کیئر میں شائع ہونے والی تحقیق کے مطابق روزانہ تقریباً 7 گھنٹے اور 18 منٹ کی نیند ٹائپ ٹو ذیابیطس سے بچاؤ کے لیے مفید ثابت ہو سکتی ہے۔

یونیورسٹی آف گلاسگو کے پروفیسر نوید ستار کے مطابق ناقص یا کم نیند بھوک کے نظام کو متاثر کرتی ہے جس کے باعث لوگ زیادہ کھانے لگتے ہیں، جبکہ کم سونے کا مطلب یہ بھی ہے کہ کھانے کے لیے زیادہ وقت دستیاب ہوتا ہے، جو وزن بڑھنے اور ذیابیطس کے خطرے میں اضافے کا سبب بن سکتا ہے۔