شجاع آباد کی رہائشی خاتون میں منکی پاکس کی تصدیق

نشتر ہسپتال، مظفر گڑھ میں شجاع آباد کی رہائشی ایک خاتون میں منکی پاکس کی تصدیق ہو گئی ہے۔

ہسپتال کے ترجمان کے مطابق متاثرہ خاتون کو آئیسولیشن وارڈ میں داخل کر کے زیر علاج رکھا گیا ہے۔ اس سے قبل مظفر گڑھ کا رہائشی، جو منکی پاکس اور ایچ آئی وی کا مریض ہے، پہلے سے آئیسولیشن وارڈ میں موجود تھا۔

نشتر ہسپتال میں اب منکی پاکس کے زیر علاج مریضوں کی تعداد دو ہو گئی ہے۔ انتظامیہ نے آئیسولیشن وارڈ میں خصوصی احتیاطی اقدامات جاری رکھے ہوئے ہیں تاکہ بیماری کے پھیلاؤ کو روکا جا سکے۔ہسپتال حکام نے عوام سے اپیل کی ہے کہ وہ ذاتی صفائی اور حفاظتی اقدامات اختیار کریں اور مشتبہ علامات ظاہر ہونے پر فوری طور پر طبی امداد حاصل کریں۔