سیف سٹی کا ذہنی دباؤ کے شکار افراد کیلئے “کونسلنگ سروس” کا آغاز

لاہور: وزیراعلیٰ پنجاب مریم نواز شریف کی خصوصی ہدایت پر سیف سٹی نے ذہنی دباؤ، پریشانی، ناامیدی یا خودکشی کے خیالات رکھنے والے افراد کے لیے “کونسلنگ سروس” کا آغاز کر دیا ہے۔

اب متاثرہ شہری پنجاب ایمرجنسی ہیلپ لائن 15 پر کال کر کے، اور پھر 7 دبانے کے ذریعے فوری مدد حاصل کر سکتے ہیں۔ ترجمہ سیف سٹی کے مطابق، متاثرہ شخص کا رابطہ ماہر اور سپیشلائزڈ سائیکالوجسٹ سے کانفرنس کال کے ذریعے فوری کروایا جائے گا۔ بروقت کونسلنگ سے قیمتی انسانی جانیں بچائی جا رہی ہیں۔

سال 2025 میں اس ہیلپ لائن پر 2327 کالز موصول ہوئیں، جن میں سے 2269 افراد کو خودکشی سے بچایا گیا، یعنی کامیابی کی شرح 98 فیصد رہی۔ موصول کالز میں 56 فیصد مرد اور 44 فیصد خواتین شامل تھیں، اور نمایاں وجہ گھریلو تنازعات، میاں بیوی کی ناچاقی اور خاندانی مسائل بتائی گئی۔

ترجمان سیف سٹی نے عوام سے اپیل کی ہے کہ ذہنی دباؤ یا خودکشی کے خیالات کی صورت میں تاخیر نہ کریں، ہیلپ لائن 15 پر کال کریں اور 7 دبائیں۔ تمام کالز کی معلومات اور شناخت مکمل طور پر رازدارانہ رکھی جاتی ہی