سال 2026 کی پہلی قومی پولیو مہم 2 تا 8 فروری تک

نیشنل ای او سی کے مطابق سال 2026 کی پہلی قومی پولیو مہم ملک بھر میں 2 تا 8 فروری تک منعقد کی جائے گی۔ مہم کے دوران 4 کروڑ 50 لاکھ سے زائد بچوں کو پولیو سے بچاؤ کے قطرے پلائے جائیں گے۔

سات روزہ قومی مہم کے دوران ملک بھر میں 4 لاکھ سے زائد پولیو ورکرز اپنے فرائض انجام دیں گے۔ صوبوں کے لحاظ سے بچوں کی تعداد درج ذیل ہے:

• پنجاب: 2 کروڑ 30 لاکھ سے زائد

• سندھ: 1 کروڑ 6 لاکھ سے زائد

• خیبر پختونخوا: 72 لاکھ سے زائد

• بلوچستان: 26 لاکھ سے زائد

• اسلام آباد: 4 لاکھ 60 ہزار سے زائد

• گلگت بلتستان: 2 لاکھ 28 ہزار سے زائد

• آزاد جموں و کشمیر: 7 لاکھ 60 ہزار سے زائد

نیشنل ای او سی نے والدین پر زور دیا کہ وہ اپنے 5 سال سے کم عمر بچوں کو پولیو سے بچانے کے لیے لازمی دو قطرے دلائیں اور پولیو ورکرز کے ساتھ بھرپور تعاون کریں۔ بچوں کو پولیو سے محفوظ رکھنا ہم سب کی مشترکہ قومی ذمہ داری ہے۔