لوگوں کی وہ عام عادت جو پیٹ پھولنے کا شکار بنا دیتی ہے

اکثر ایسا محسوس ہوتا ہے کہ پیٹ بہت زیادہ بھر گیا ہے، حالانکہ کھانے کی مقدار اتنی زیادہ نہیں ہوتی۔ ماہرین کے مطابق ایسا زیادہ تر نمک کے زیادہ استعمال کی وجہ سے ہوتا ہے۔

نمک یا سوڈیم جسم کے لیے ضروری ہے، مگر زیادہ مقدار میں استعمال کرنے سے جسم میں پانی جمع ہوتا ہے جس سے پیٹ پھولنے کا احساس پیدا ہوتا ہے۔

2019 کی تحقیق میں دیکھا گیا کہ نمک کی زیادہ مقدار والے غذاؤں کا استعمال کرنے والے افراد میں پیٹ پھولنے کا مسئلہ زیادہ عام تھا، چاہے وہ مغربی طرز کی غذا کھائیں یا زیادہ فائبر والی۔

امریکن ہارٹ ایسوسی ایشن کے مطابق روزانہ 2300 ملی گرام سے کم نمک استعمال کرنا چاہیے، یعنی تقریباً ایک چائے کا چمچ۔

زیادہ نمک کے استعمال سے بلڈ پریشر بڑھتا ہے اور دل کی صحت متاثر ہوتی ہے، اس کے علاوہ گردے، ہڈیاں اور معدے کے کینسر کے خطرات بھی بڑھ جاتے ہیں۔