موت کا خطرہ کم! دل کے علاج کیلئے نئی دوا منظور

متحدہ عرب امارات (یو اے ای) نے دل کی خرابی اور ناکامی کے علاج کے لیے نئی دوا Inpefa® (sotagliflozin) کی منظوری دے دی ہے، جس سے یو اے ای دنیا میں اس تھراپی کی منظوری دینے والا دوسرا ملک بن گیا۔

ایمریٹس ڈرگ اسٹیبلشمنٹ (EDE) کے مطابق یہ دوا SGLT1 اور SGLT2 کو روکنے والی پہلا دہری (ڈیول) تھراپی ہے، جو دل اور گردے کی صحت کو سپورٹ کرتے ہوئے خون میں گلوکوز کی سطح کو منظم کرتی ہے۔

اس علاج کا مقصد دل کی بیماریوں کی وجہ سے موت کے خطرے کو کم کرنا، ہسپتال میں داخلے کی ضرورت گھٹانا، اور ذیابیطس، گردے کی دائمی بیماری یا دیگر قلبی خطرات والے بالغوں میں فوری طبی دوروں کو کم کرنا ہے۔