منظوری نہ ملنے پر 40 نئی رجسٹرڈ ادویات مارکیٹ میں دستیاب نہیں

وفاقی حکومت سے قیمتوں کی حتمی منظوری التوا کا شکار ہونے کے باعث کینسر، ذیابیطس، ہیموفیلیا، پارکنسنز، دل کے امراض اور شدید انفیکشنز کی 40 نئی رجسٹرڈ ادویات تاحال مارکیٹ میں دستیاب نہیں ہو سکی ہیں۔ ڈرگ ریگولیٹری اتھارٹی آف پاکستان (ڈریپ) کے مطابق ان ادویات کی قیمتوں کے تعین کی تمام تر سفارشات کابینہ کو ارسال کر دی گئی ہیں، جس کی منظوری کے بعد ہی ان کی قانونی فروخت ممکن ہو سکے گی۔ دوسری جانب وفاقی وزارتِ صحت نے وضاحت کی ہے کہ یہ معاملہ موجودہ ادویات کی قیمتوں میں اضافے کا نہیں بلکہ بالکل نئی ادویات کے نرخ مقرر کرنے کا ہے، جبکہ اس سے قبل 35 نئی ادویات کی قیمتوں کی منظوری دی جا چکی ہے۔ ادویات کی مارکیٹ میں عدم دستیابی کے باعث مریض مہنگی، غیر رجسٹرڈ یا اسمل شدہ ادویات خریدنے پر مجبور ہیں، جس پر فارما انڈسٹری اور کیمسٹ تنظیموں نے وفاقی حکومت سے فوری قیمتوں کی منظوری دینے کا مطالبہ کیا ہے۔