31 ویں ٹیکسٹائل ایشیا نمائش 2025 کا لاہور میں آغاز

لاہور ایکسپو سنٹر میں 31 ویں ٹیکسٹائل ایشیا انٹرنیشنل ایگزیبیشن اینڈ کانفرنسز کا آغاز ہوگیا۔ پہلے روز کا افتتاح پاکستان ریڈی میڈ گارمنٹس مینوفیکچررز اینڈ ایکسپورٹرز ایسوسی ایشن کے چیف کوآرڈینیٹر شیخ شفیق جوکھوالا نے کیا۔

نمائش میں دنیا بھر سے دو ہزار سے زائد عالمی برانڈز، 425 نمائش کنندگان اور متعدد بین الاقوامی مندوبین نے شرکت کی۔ اس سال 57 ہزار سے زائد تجارتی زائرین کی آمد، 15 سے زائد ممالک کی شمولیت اور 300 ملین ڈالر تک کے آن سائٹ کاروباری مواقع کی توقع کی جا رہی ہے۔

یہ ایونٹ ای کامرس گیٹ وے پاکستان (پرائیویٹ) لمیٹڈ کے زیر اہتمام ایس آئی ایف سی کی اسٹریٹجک معاونت سے منعقد ہوا۔ رواں سال کی نمائش میں ٹیکسٹائل 4.0، اسمارٹ فیکٹریز، ڈیجیٹل آٹومیشن اور جدید مینوفیکچرنگ ٹیکنالوجیز کو خصوصی طور پر نمایاں کیا گیا۔

ڈے 1 پر ایکو ٹیکسٹائل کانفرنس 2.0 کا بھی آغاز ہوا جس کا موضوع تھا: “ذمہ دار ٹیکسٹائل شفٹ: پاکستان کے ٹیکسٹائل مستقبل کی نئی جہت”. کانفرنس میں عالمی ماہرین اور پالیسی سازوں نے قابلِ تجدید توانائی، سرکلر اکانومی اور پائیدار ٹیکسٹائل کے جدید رجحانات پر مبنی سیشنز کے ساتھ دن کا اختتام کیا