ٹیکس دہندگان کے اسٹیٹس سے متعلق ایف بی آر کی وضاحت
Web Desk
3 November 2025
فیڈرل بورڈ آف ریونیو (ایف بی آر) نے ٹیکس دہندگان کے اسٹیٹس کے حوالے سے گردش کرنے والی خبروں کی وضاحت کرتے ہوئے کہا ہے کہ فعال یا غیر فعال ٹیکس دہندگان کا درجہ ٹیکس سال 2024 کے جمع شدہ گوشواروں کی بنیاد پر طے کیا جائے گا۔ ایف بی آر کے مطابق بعض میڈیا پلیٹ فارمز پر یہ تاثر دیا جا رہا ہے کہ بڑی تعداد میں ٹیکس دہندگان کو فوراً غیر فعال قرار دیا گیا ہے، جو کہ درست نہیں۔
ایف بی آر نے واضح کیا کہ وہ ٹیکس دہندگان جنہوں نے بروقت یا سسٹم کے ذریعے مقررہ مدت میں توسیع کی درخواست جمع کروائی ہے، انہیں ایکٹیو ٹیکس پیئرز لسٹ (ATL) سے نہیں نکالا گیا۔ مزید بتایا گیا کہ ٹیکس سال 2025 کے لیے فعال ٹیکس دہندگان کی فہرست، ٹیکس سال 2024 کے گوشواروں کی بنیاد پر تیار کی جائے گی، جبکہ 15 نومبر 2025 تک گوشوارے جمع کرانے والے نئے فائلرز کو بھی اس فہرست میں شامل کرلیا جائے گا۔
اعلامیے کے مطابق چیئرمین ایف بی آر کی ہدایات پر سسٹم کے ذریعے توسیع کی درخواست دینے والوں کو خودکار طور پر 15 دن کی توسیع فراہم کر دی گئی ہے۔ انکم ٹیکس قوانین میں حالیہ ترامیم کے بعد دستی طور پر گوشوارے جمع کرانے کا طریقہ ختم کردیا گیا ہے، تاہم گزشتہ سال دستی فارم جمع کرانے والوں کو ای فائلنگ کے لیے ایک ماہ کی خصوصی مہلت دی جا رہی ہے۔
ایف بی آر نے ریجنل ٹیکس آفسز کو ہدایت کی ہے کہ وہ ایسے تمام ٹیکس دہندگان کی مکمل معاونت کریں تاکہ وہ باآسانی ای فائلنگ نظام میں منتقل ہوسکیں۔ مزید بتایا گیا کہ جو افراد مقررہ تاریخ تک گوشوارے جمع نہیں کرا سکے، وہ اب بھی 15 نومبر تک متعلقہ کمشنر کو وجوہات بتاکر آن لائن توسیع کی درخواست دے سکتے ہیں۔
بیان کے آخر میں ایف بی آر کا کہنا تھا کہ ادارہ ٹیکس دہندگان کی سہولت، شفافیت اور ڈیجیٹل نظام کے ذریعے ٹیکس کمپلائنس کو فروغ دینے کے لیے پرعزم ہے اور اس بات کو یقینی بنایا جائے گا کہ تمام مستند فائلرز اپنا فعال اسٹیٹس برقرار رکھ سکیں۔
متعلقہ عنوانات
فیلڈ مارشل سے ایرانی وزیر خارجہ کی ملاقات، قریبی روابط اور تعاون پر اتفاق
17 November 2026
مال گاڑی کو حادثہ، انجن سمیت 5 بوگیاں پٹری سے اتر گئیں
17 November 2026
عمران خان کو سرجری کی ضرورت ہے تو حکومت سہولت فراہم کرے گی: رانا ثنا اللہ
17 November 2026
لاہور: مدرسے میں تاخیر سے پہنچنے پر قاری کا طالبعلم پر تشدد
17 November 2026
حکومت اور جماعت اسلامی کے مذاکرات کا آخری دور 19 نومبر کو ہوگا: لیاقت بلوچ
17 November 2026
طلبہ مستقبل کے رہنما، تعمیر ملت میں بھرپور کردار ادا کریں: مریم نواز شریف
17 November 2026
پاکستان سٹاک ایکسچینج میں کاروبار کے آغاز پر زبردست تیزی
17 November 2026
بلاول کو وزیراعظم بنتا دیکھ رہی ہوں، فریال تالپور
17 November 2026