این ویڈیا دنیا کی پہلی 5 ٹریلین ڈالر مالیت والی کمپنی بن گئی
Web Desk
30 October 2025
کیلیفورنیا: (ویب ڈیسک) مصنوعی ذہانت (AI) چِپس تیار کرنے والی معروف ٹیکنالوجی کمپنی این ویڈیا (Nvidia) نے تاریخ رقم کرتے ہوئے دنیا کی پہلی 5 ٹریلین ڈالر مالیت رکھنے والی کمپنی بننے کا اعزاز حاصل کرلیا۔
غیر ملکی خبر رساں ادارے اے ایف پی کے مطابق بدھ کے روز این ویڈیا کے شیئرز میں 4.91 فیصد اضافہ ہوا، جس کے بعد فی حصص قیمت 210.90 ڈالر تک پہنچ گئی۔ اس اضافے کے ساتھ ہی کمپنی کی مارکیٹ ویلیو وال اسٹریٹ پر کاروبار کے آغاز میں ہی ایک نئی بلندی پر پہنچ گئی۔
دلچسپ بات یہ ہے کہ این ویڈیا کی موجودہ مارکیٹ ویلیو فرانس یا جرمنی کی مجموعی قومی پیداوار (GDP) سے بھی زیادہ ہے، اور یہ ٹیسلا، میٹا (فیس بک) اور نیٹ فلیکس تینوں کمپنیوں کی مشترکہ قدر سے بھی آگے نکل گئی ہے۔
دنیا کی دیگر بڑی ٹیک کمپنیوں میں مائیکروسافٹ اور ایپل اس وقت تقریباً 4 ٹریلین ڈالر مالیت کی حامل ہیں۔
تجزیہ کاروں کے مطابق این ویڈیا کے حصص میں حالیہ اضافہ اس کی مضبوط فروخت، نئی شراکت داریوں — خصوصاً یورپی کمپنی نوکیا کے ساتھ اشتراک — اور چینی منڈی تک دوبارہ رسائی کی امیدوں کے باعث ہوا ہے۔
ایک تجزیہ کار نے کہا کہ “یہ ناقابلِ یقین لگتا ہے کہ کوئی کمپنی اس سنگ میل تک پہنچ سکتی ہے، مگر این ویڈیا کی کارکردگی اتنی مؤثر ہے کہ وہ لگ بھگ ہر ہفتے کسی بڑے معاہدے کا اعلان کرتی ہے۔”
ذرائع کے مطابق این ویڈیا کے سی ای او جینسن ہوانگ اس وقت جنوبی کوریا میں موجود ہیں، جہاں وہ اے پی ای سی سربراہ اجلاس میں شرکت کر رہے ہیں — اسی اجلاس کے دوران امریکی صدر ڈونلڈ ٹرمپ اور چینی صدر شی جن پنگ کی ملاقات بھی متوقع ہے۔
علاوہ ازیں، این ویڈیا نے اعلان کیا ہے کہ وہ اپنی حریف کمپنی انٹیل (Intel) میں 5 ارب ڈالر کی سرمایہ کاری کرے گی، تاکہ امریکا میں سیمی کنڈکٹر مینوفیکچرنگ کے فروغ کے لیے ٹرمپ انتظامیہ کے منصوبے کو تقویت دی جا سکے۔
متعلقہ عنوانات
پاکستان سٹاک ایکسچینج میں کاروبار کے آغاز پر زبردست تیزی
17 November 2026
عالمی منڈی میں سونے کی قیمتوں میں بڑی کمی، فی اونس نرخ ایک سال کی کم ترین سطح پر آگئے
17 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
واٹس ایپ اسٹیٹس میں نیا فیچر متعارف کرانے کی تیاری، لوکیشن شیئرنگ آسان
16 November 2026
پاکستانی معیشت کے تمام اہم اشاریوں میں بہتری، سٹیٹ بینک کی سالانہ رپورٹ جاری
16 November 2026
ملک بھر میں سونے کی قیمتوں میں کمی
16 November 2026
ہوا بازی کے شعبے میں بڑی پیشرفت، چین کے برقی مسافر طیارے کی پہلی پرواز کامیاب
16 November 2026
تاریخ میں پہلی بار صوبوں کی جانب سے وفاق کو 57 ارب 46 کروڑ کی گرانٹ
16 November 2026